29 Days of apps programming with Mustafa

😎 مرحبااا وياكم مصطفى باليوم العشرين من هذا التحدي  😅 مستمرين برحلتنا بعالم البرمجة وبرمجة تطبيقات الاندرويد تحديدا هو التحدي الي دا اشتغل عليه كل يوم...تقريباً مثل ما ذكرت سابقا ان الهدف هو صناعة اكبر عدد ممكن من التطبيقات المصغرة داخل منصة اندرويد ستوديو بلغة الجافا  اخر فترة جانت صعبة جدا جدا بسبب الامتحانات لذلك جان الوقت جدا ضيق للشغل جنت احاول افرغ اي جزء من يومي حتى اكمل  ⏱ الشي الي بديت بي والصراحة التحدي الحقيقي هو ايجاد الوقت الكافي  كدرت اكمل تطبيقات اثنين رغم بساطتهم الا انه اني فخور بيهم لانهم نتيجة التزام واستمرار رغم انعدام الوقت  التطبيق الاول عبارة عن منشئ باسووردات عشوائية بالطول الي يختارة المستخدم    لتنظيم الوقت والاعمال اليومية ToDo List  التطبيق الثاني عبارة عن   التقدم الي صار خلال هذا التحدي عظيم لأن الالتزام بهدف معين خلال مدة كان حافز قوي للأستمرار تعلمت شغلات خلال هاي الـ20  ⏳ يوم ممكن جنت اتعلمة بأشهر  خلال هالرحلة استخدمت عدة مصادر اغلب المصادر الي ذكرتها بالمدونة السابقة لازلت مستمر عليها لكن صار اعتمادي على المقاطع  المتنوعة اكثر تنطيك خبرة وتجربة اكث

مرحبا وياكم مصطفى للمرة الثانية بهاي الرحلة الممتعة  مثل ما عرفنة بالبلوك السابق انه ناوي اتعلم برمجة تطبيقات الاندرويد خلال 29 يوم بأستخدام جافا الهدف جان هو صناعة تطبيق في  نهاية هاي ال29 يوم بي نوع من التعقيد لكن الخطة صارت انه اصنع عدة تطبيقات متنوعة وصغيرة  لحد الان كدرت اكمل 3 تطبيقات وهي  تطبيق مفردات للأنكليزية   تطبيق آلة حاسبة تطبيق اختبار للغة الانكليزية استخدمت العديد من الدورات بهالرحلة ومنها مبادرة المليون مبرمج وكورس برمجة تطبيقات الاندرويد للدكتور حسين الربيعي وغيرها مقاطع متنوعة حسب الشي الي احتاج اعرف عنه, كمية الجهد الي انبذلت لصناعة هاي التطبيقات البسيطة كان اكثر من العادة بسبب المشاكل التقنية الى واجهتني وانقطاع الكهرباء وغيرها لكن الحمدلله يعتبر التقدم مرضي جدا خاصة على الصعيد المعرفي بالبرمجة  والمفاهيم البرمجية الجديدة الي اكتسبتها خلال هاي الرحلة  تعلمت هواي شغلات منها شلون اتعامل البيانات وتنظيمها شلون اتعامل وية المدخلات والمخرجات بشكل منظم اكثر من السابق  لحد الأن اني مستمتع جدا بهذا التحدي والي خله هذا التحدي ممتع اكثر واكثر هو التواصل وية باقي المشاركين بع