تحدي الـ29 يوم - التخرج

يااا هلاا والله ومرحبا

 وياكم مصطفى طالب هندسة حاسبات من محافظة ديالى 🍊 باليوم الأخير من هذا التحدي

🤔 يا تحدي ؟

تحدي الـ29 يوم الي اطلقه مهندس البرمجيات مرتضى التميمي الهدف منه انه نطور نفسنا بمهارة من اختيارنا خلال  29 يوم وندون هذا التقدم بهالشكل راح نضرب عصفورين بحجر تطوير مهاراتنا وأثراء المحتوى العربي  بمختلف المجالات 

 Android studio كانت مشاركتي هي برمجة وتطوير تطبيقات الاندرويد بلغة جافا على فريم وورك

كدرت خلال هاي الرحلة اصنع خمس تطبيقات صغار وتطبيق جاهز انه ينزل على الكوكل بلي

بمجموع 6 تطبيقات واكثر من 5000 سطر برمجي ذكرت تفاصيل التطبيقات الخمسة في مدونة اليوم العاشر  ومدونة اليوم العشرين

اما التطبيق السادس صنع خلال ايام عيد الاضحى المبارك لذلك اخترت ان يكون ذو طابع ديني

 وهو تطبيق لعرض الاذكار واصنافها بتصميم بسيط وسهل حتى لكبار السن حيث قمت بتصميم كل صفحة داخل

 Adobe XD التطبيق بالكامل بأستخدام

🏃🏻‍♂️ الي تعلمتة بهذا الشهر اكثر من الي تعلمته بأي شهر بحياتي لان تحدي الذات هو افضل دافع للأستمرار

😢 تعلمت تنظيم الوقت واصعب جزء من التحدي هو الموازنة بين التحدي وامتحانات الفاينل الي مستمرة لحد الأن

💻 تعمقت اكثر بالمفاهيم البرمجية وهالشي جدا فادني وراح يفيدني خلال دراستي بهندسة الحاسوب والبرمجيات

تعلمت انه ماكو شي مستحيل لان اكو شغلات وكفت عندها وكلت مستحيل اكدر اسويها لكن اتفاجئ ثاني يوم اني 

🦾  اسويها بجهد اقل مليون مرة من المتوقع

📚 البرمجة تعلمنا الصبر لان ماكو مبرمج يتعلم كلشي خلال يوم وليلة البرمجة علم واسع ومتفرع جدا

فخور جدا بالأشياء الي سويتها والي من ضمنها دخلت مع جماعة تعلم الانكليزية وصرت اطور من لغتي بشكل جانبي

😎 خارج التحدي وكذلك تعلم تصميم الواجهات ما كان ضمن التحدي لكن لا يكتمل التطبيق بدون واجهة جميلة

  كافي كلام انشائي وتعالوا نقارن بين اول تطبيق واخر تطبيق سويتهن ونشوف

 احكم بنفسك : التطبيق الاول , التطبيق الأخير (للأندرويد فقط)

بالنهاية احب اشكر مرتضى وكل الجنود الخفيين القائمين على هذا التحدي واشكر كل المشاركين الرائعين على كمية 

😗 الحماس والأيجابية الي بيهم الي يخلوني كل مرة اتكاسل بيها اكمل واستمر بالشي الي دا اسوي 

اشكر الامتحانات الي علمتني انه شكد ما جان عندك اشياء مهمة بحياتك لازم اكو طريقة انك توازن بينهن 

🖤 تحية حب واحترام الك انت القارئ الي وصلت وياي لأخر سطر